Laguntzaileak



 Nutrizioa, entrenamenduak eta uniformea. Hiruen artean iristen gara gailurrera. Eskerrik asko NUTRIFORCE, INDARCROSSFIT eta DEPORTES APALATEGUI zuen laguntzarengatik.



TOPAKETA!!!!!!!!!

IV. edizio honetarako ere egongo da ibilbidea ezagutzen ez duenik edota begi itxiekin egiten duenik ere...

Badamundu guztiarentzat, Urtarrilaren 22an TOPAKETA egingo dugu korrikalariok, Lezoko Gurutze Santuaren plazan, goizeko 9:30ean Lezo-Jaizkibel mendi lasterketako ibilbidea egiteko.

Ibilbidea denbora ezberdinetan egiteko, taldeetan banatuko gara. Gutxi gorabehera 1:30, 1:45, 2:00 eta 2:15 denboratan ibiliko gara. Beraz, bixi edota oso lasai egiteko aukera izango da!



2016ko urtarrilaren 24an bildutako koadrila ederra

Animatu mendiaz gozatzera!

Aupa gazteak!

Joan den urtean antolatu genuen lehen aldiz Gazteentzako Lezo-Jaizkibel mendi lasterketa. Dozena bat lagun ausartu zineten 7,5 kilometroko ibilbideari aurre egitera.

Aurten gehiago izango zaretela badakigunez, dagoeneko ireki ditugu Gazteentzako II. Lezo-Jaizkibel mendi lasterketarako izen-emateak.

Beti bezala, Kirolprobak.com orrialdean aurkituko duzue lasterketaren fitxa.

Animatu gazteak, ez geratu lo!

Kanpaiak, mahatsak eta klik

Akabo 2016!

urtea joan zaigu, ziztu batean beste behin ere. Oraindik ere urte berrirako proposamen berririk topatu ez baduzu, gogoratu: urteko lehen kanpaikadarekin batera irekiko dugu IV. Lezo-Jaizkibel mendi lasterketarako izen-ematea. Urtero bezala, Kirolprobak web orrian.

Izena eman, hilabete eta erdiz ongi entrenatu eta otsailaren 19an gozatu. Gerorako uzterik ez dagoen proiektu ederra. Erne mahatsekin, kontrako eztarritik joan gabe!

Eurozapore solidarioa

IV. Lezo-Jaizkibel edizio honetan, Zaporeak proiektu solidarioarekin bat egiten dugu eta saldutako dortsal bakoitzeko euro bat jasoko dute.


Zaporeak bi proiektu ditu. Zaharrena, Etyopiako Proiektua da. Tigray eskualdeko Wukro herrixkak pairatzen duen elikaduraren ziurtasun falta kronikoarekin bukatzean datza. Bestea, Greziako Chios uhartekoa da. Gaur egun pilpilean dagoen errefuxiatuen egorea dramatikoa ikusirik, gainontzeko ONGekin bat egin dute laguntzeko asmoz.

Bideoa

2017ko otsailaren 19an, IV. Lezo-Jaizkibel mendi lasterketa.


Izen-emateak, beti bezala, Urte Berri eguneko kanpaikadekin batera. Adi ibili!